စက်ဝန်းလုံး ကိုဩဒိနိတ်စနစ်

ရူပဗေဒသုံး စက်ဝန်းလုံး ကိုဩဒိနိတ်စနစ် (Spherical Coordinate System) ၏ ကိုဩဒိနိတ် $(r,\theta ,\phi )$များ သရုပ်ပြပုံ။$r$ က တာရင်းအမှတ်မှ မျဉ်းဖြောင့်အတိုင်း အကွာအဝေး ဖြစ်၏၊ $\theta$ က ခေါင်းငုံ့ထောင့်(polar angle) ဖြစ်၏၊ $\phi$ က ခေါင်းလှည့်ထောင့် (azimuthal angle) ဖြစ်၏။

သင်္ချာသုံး စက်ဝန်းလုံး ကိုဩဒိနိတ်စနစ် (Spherical Coordinate System) ၏ ကိုဩဒိနိတ် $(r,\theta ,\phi )$များ သရုပ်ပြပုံ။ $r$ သို့မဟုတ် တစ်ခါတရံတွင် $\rho$ က တာရင်းအမှတ်မှ မျဉ်းဖြောင့်အတိုင်း အကွာအဝေး ဖြစ်၏၊ $\theta$ က ခေါင်းလှည့်ထောင့် (azimuthal angle) ဖြစ်၏၊ $\phi$ က ခေါင်းငုံ့ထောင့် (polar angle) ဖြစ်၏။

သင်္ချာသုံး စက်လုံး ကိုဩဒိနိတ်စနစ် (သို့) စက်ဝန်းလုံး ကိုဩဒိနိတ်စနစ် (တမ်းပလိတ်:Lang-en) ဆိုသည်မှာ - ထုထည် ရပ်ဝန်းတခုခု အတွင်းရှိ တည်နေရာအမှတ်တို့ကို ကိန်း၃လုံးစုံနည်းဖြင့် ဖော်ပြရာ၌၊

• ပေတံ့သုညသဘော အမှတ်နေရာ မှ အကွာအဝေးသည် $r$ သို့မဟုတ် ("ရို") $\rho$ ဟူသည့် အဖြောင့်ကွာမျဉ်း (radial line) အဖြစ်၊

"မည်သည့်ဘက်သို့ ထိုအကွားအဝေး" ဟု ပေါင်းဖော်ပြနေသော ထောင့်ပမာဏတို့အနေနှင့်...
ရူပဗေဒသုံး အခေါ်အဝေါ်များအရလျှင် -

• ထောင်လိုက်စံတိုင်၏ ဘက်လှည့်မှ မည်မျှ သွေစောင်းနေကြောင်းသည် ("သေဋာ" သို့မဟုတ် "သေဋာ") $\theta$ ဟူသော ခေါင်းငုံ့ထောင့် (polar angle) အဖြစ်၊
• အလျားလိုက်စံတိုင်၏ ဘက်လှည့်မှ မည်မျှ သွေးစောင်းနေကြောင်းသည် ("ဖိုင်"ထက် နှာသံပေါက်သော "ဖှိုင်") $\phi$' ဟူသော ခေါင်းလှည့်ထောင့် (azimuthal angle) အဖြစ်၊

$(r,\theta ,\phi )$ ပုံစံဝင် ကိုဩဒိနိတ်များ ဖော်ဆောင်သည့် တိုင်းကြောင်း-၃ခုပါ အမှတ်ချအိမ် (3-dimensional Coordinate System) တမျိုး ဖြစ်လေ၏။