အစု

$\mathbb{N}$ ဟူသော အစုမှာ သဘာဝကိန်းများ (natural numbers) အားလုံးကို စုစည်းပြထားလိုရင်း သဘော ဖြစ်၏။ $\mathbb{Z}$ ဟူသော အစုမှာ ကိန်းပြည့်(integers) အစု ဖြစ်၍ အနုတ်ကိန်းများပါ ပါဝင်ခြင်း၌ သဘာဝကိန်းများအစုထက် ကြီးမားသွား၏။ အစု $\mathbb{Q}$ မှာ ရာရှင်နယ်ကိန်းများ (rational numbers) အစု ဖြစ်ပြီး၊ အစု $ℝ$ မှာ ကိန်းစစ်များ (real numbers) အစုကြီး ဖြစ်သည်။ $ℂ$ အစုမှာမူ ကိန်းထွေးများ အစု ဖြစ်လေ၏။

အစုများသည် အထွေထွေသော အရာများကို စုဝေးထားခြင်း ဖြစ်နိုင်၏။ ဤပုံတွင် ဗဟုဂံများ စုစည်းထားမှုကို ဥပမာပြသည်။

သင်္ချာရှိ အစု (တမ်းပလိတ်:Lang-en) ဆိုသည်မှာ တစ်ခုမကတတ်သောအရာ များကို စုစည်းထားခြင်း သဘောဖြစ်ပြီး ထိုထဲ၌ ပါဝင်သော ဇာတ်ကောင်များကို အစုဝင်များ (elements) ဟု ခေါ်သည်။ အစုဝင်များမှာ ကိန်းများလည်း ဖြစ်နိုင်သကဲ့သို့ အခြားသော အရာများလည်း ဖြစ်နိုင်သည်၊ အခြားသော အစုများကိုပင် အစုဝင်များအဖြစ် စုစည်းထားခြင်းလည်း ဖြစ်နိုင်ပြန်သည်။တမ်းပလိတ်:Sfn
အစု ၂ ခု၏ အစုဝင်အားလုံး ထပ်တူကျနေလျှင် ထိုအစု ၂ ခုက ထပ်တူကျသည်ဟု သင်္ချာနည်းကျ ဆိုနိုင်သည်။ အစု A ၏ အစုဝင်တိုင်းက အစု B တွင် ပါဝင်သော်လည်း အစု B က ထို့ထက်ပို၍ အစုဝင်များ ပါဝင်နေသေးလျှင် အစု A က အစု B ၏ "အစုပိုင်း" (subset) ဖြစ်သည် ဟု ဆိုနိုင်သည်။ အရပ်စကားဖြင့်လျှင် အစု A က အစု B ၏ တစ်စိတ်တပိုင်းဟု ဆိုလိုသည်။ ဥပမာအားဖြင့်၊ "ခိုတိုင်းက ငှက်ဖြစ်သောလည်း ငှက်အလုံးစုံက ခိုမဟုတ်သဖြင့် ခိုများဟူသည့် အစုက ငှက်များဟူသည့် အစု၏ အစုပိုင်း ဖြစ်သည်"ဟု ဆိုရမည်မျိုး ဖြစ်သည်။ အစုဝင်တစ်ခုမျှ မရှိသောအစုကို "ဗလာစု" (empty set) ဟု ခေါ်သည်။