မျဉ်းဖြောင့်ညီမျှခြင်း

ပြောင်းလဲကိန်း $x$ တန်ဖိုးအလိုက် မှီခိုရလဒ် $y$ (ဤပုံတွင် အမြင့်-အနိမ့် ပမာဏတန်ဖိုး) ထွက်ပေါ်နည်း ၂မျိုးကို ဥပမာပြုလျက် အနီမျဉ်းနှင့် အဝါမျဉ်းတို့ ဂရပ်ဖှ်ချ ဆွဲကြည့်သော်... $y=ax+b$ ပုံစံဝင်ပါက ဤသို့ မျဉ်းဖြောင့်များ ထွက်ပေါ်၏။

သင်္ချာရှိ မျဉ်းဖြောင့်ညီမျှခြင်း (အင်္ဂလိပ်: linear equation) ဆိုသည်မှာ -
$x_1,\dots ,x_n$ တို့က ပြောင်းလဲကိန်းများ (variables)၊ $b,a_1,\dots ,a_n$ တို့က (များသောအားဖြင့် ကိန်းစစ်) မြှောက်ဖော်ကိန်း၊ ပေါင်းဖော်ကိန်းများ ဖြစ်သည်တွင်...
$a_1{x}_1+\dots +a_n{x}_n+b=0,$ ဟူသော ပုံစံမျိုးနှင့် ဖော်ပြကိုက်ညီနေမည့် ညီမျှခြင်းများကို ခေါ်ခြင်း ဖြစ်သည်။

$a_1{x}_1+\dots +a_n{x}_n+b=0$ ဟု ရေးသည်မှာ ယေဘုယျကျသော သင်္ချာပုံစံဖြစ်သည်။ သာဓကအားဖြင့် ပြောင်းလဲကိန်း တမ်းပလိတ်:Mvar ၂ခုပါသော် ပိုမိုလူသိများသော ရေးနည်းအားဖြင့် $x_1=x$ အဖြစ်၊ $x_2=y$ အဖြစ် ဖြစ်ပေမည်။ ထိုသို့ $x$ နှင့် $y$ အဖြစ် ၂မျိုး ကွဲခြင်းကိုပင် အချို့သင်္ချာများ၌ ထိုသို့ 1, 2, စသည်ဖြင့် ညွှန်းလုံး (index) လေးများ ညာဘက်အောက်နားတပ်ကာ ဖော်ပြတတ်သည်။ သို့ဖြင့် $a_1{x}_1+\dots +a_n{x}_n+b=0$ ပုံစံရင်းမှသည် ဤသာဓကအဖို့ $a_{1}x+a_{2}y+b=0$ အဖြစ် ထင်ရှားထွက်ပေါ်ပေမည်။ မြှောက်ဖော်ကိန်း၊ ပေါင်းဖော်ကိန်းများကိုပါ သာဓကထည့်ကြည့်လျှင် $2x+y-3=0$ ဟူသည်မျိုး ဖြစ်မည်၊ $a_1=2,a_2=1,b=-3$ ဖြစ်ထားလျက်။

ပြောင်းလဲကိန်း ၁ခုတည်းနှင့်

ပြောင်းလဲကိန်း တမ်းပလိတ်:Mvar တစ်မျိုးတည်း၊ တစ်လုံးတည်းသာ ပါဝင်နေလျှင် $a_1{x}_1+\dots +a_n{x}_n+b=0,$ ဟူသော မျဉ်းဖြောင့်ညီမျှခြင်း ပုံစံက $ax+b=0$ ဟု တိုတုတ်သော ညီမျှခြင်းအဖြစ် ထွက်ပေါ်တော့မည်၊ $a\ne 0$ ဟုမူ ဖြစ်နေလျက်။ ထိုအခါမျိုးတွင် ပါဝင်ကိန်း သုံးလုံးတို့က တစ်ခုနှင့်တစ်ခု တိုက်ရိုက်အချိုးကျနေသဖြင့် မျဉ်းဖြောင့်ညီမျှခြင်းများကို တည့်တိုး(ဆက်သွယ်သော) ညီမျှခြင်းများ ဟုလည်း ရူပဗေဒ၌ ခေါ်ဆိုတန်နိုင်သည်။
အဆိုပါ တမ်းပလိတ်:Mvar တန်ဖိုးကို တွက်ထုတ်ရန် အသင့်ဖြစ်နေစိမ့်သောငှာ ညီမျှခြင်းကို ဤသို့ ... $x=-\frac{b}{a}$ ... ပြင်ရေးကြည့်နိုင်သေးသည်။